पोखरा, ५ जेठ । पोखरा उपमहानगरपालिकाले घरको छतबाट सडकमा पानी फाल्ने पाइप हटाउन आजदेखि सुरु गरेको छ ।
वर्षात्को समयमा घरको छतबाट खसेको पानीले सडकमा हिँड्ने बटुवालाई सास्ती दिने गरेकाले उपमहानगरपालिकाले त्यसरी जडान गरिएका पाइप हटाउन सुरु गरेको वरिष्ठ अधिकृत ओमराज पौडेलले जानकारी दिनुभयो ।
उपमहानगरपालिकाले पहिलो दिन विभिन्न ठाउँका १५ घरका छतबाट सडकमा पानी फाल्न राखिएका ४४ वटा पाइप हटाएको छ ।
उपमहानगरपालिकाले यस अभियानलाई निरन्तरता दिँदै नगरका अन्य वडामा पनि सञ्चालन गर्ने बताएको छ ।
वैशाख १ गते उपमहानगरपालिकाले नगरका सबै वडालाई प्लास्टिक झोला र गिलास निषेधित क्षेत्र घोषणा गरेको थियो । रासस
No comments:
Post a Comment