काठमाडौँ, १५ जेठ । नवौँ गणतन्त्र दिवसका अवसरमा आज आयोजित निःशुल्क स्वास्थ्य शिविरमा करिब एक हजार १०० ले स्वास्थ्य परीक्षण गराएका छन् ।
कालीमाटीस्थित क्यामेलिया उमावि, ज्ञानतीर्थ संरक्षण समिति र ब्लुक्रस हस्पिटलले संयुक्त रुपमा आयोजना गरेको उक्त शिविरमा मुटुरोग, स्त्रीरोग, बालबालिकासम्बन्धी रोग तथा अल्ट्रासाउन्ड, इसिजीलगायत सेवा उपलब्ध गराइएको थियो ।
शिविरमा मुटु रोग विशेषज्ञ डा हरिहर खनाल, डा प्रगति कार्की, डा दीपिका गुप्ता डा सुचरिता तुलाधरले स्वास्थ्य परीक्षण गरी सेवा उपलब्ध गराउनुभएको थियो ।
कार्यक्रमका संयोजक विनोद डङ्गोलले नेपाली जनताको लामो सङ्घर्षपछि प्राप्त गणतन्त्र दिवसका स्मरणमा स्थानीयवासीलाई स्वास्थ्य उपचारका साथै निःशुल्क औषधि वितरण गरिएको जानकारी दिनुभयो । रासस
No comments:
Post a Comment