स्थानीय निकायको निर्वाचन सम्भव छैन : नेता सिटौला

चितवन, ३१ वैशाख । नेपाली काँग्रेसका नेता कृष्णप्रसाद सिटौलाले अहिलेको समयमा स्थानीय निकायको निर्वाचन सम्भव नरहेको बताउनुभएको छ ।
नेपाली काँग्रेस दारेचोक गाउँविकास समितिले आज आयोजना गरेको शुभकामना आदानप्रदान तथा पार्टी प्रवेश कार्यक्रममा बोल्दै उहाँले सो कुरा बताउनु भएको हो ।
पछिल्लो समय राजनीतिक दलबीच देखिएको असमझदारी र अविश्वासका कारण निर्वाचन सम्भव नरहेको उहाँले दोहो¥याउनु भयो ।
निर्वाचनको वातावरण बनाउनका लागि काँग्रेसको नेतृत्व आवश्यक रहेको भन्दै उहाँले जनताले दिएको जिम्मेवारी काँग्रेसले पूरा गर्ने उल्लेख गर्नु भयो ।
सो अवसरमा नेकपा एमाले, एकीकृत नेकपा माओवादीलगायतका दल परित्याग गरी २०० जना काँग्रेसमा प्रवेश गरेको नेपाली काँग्रेस चितवनका सभापति जितनारायण श्रेष्ठले जानकारी दिनुभयो । रासस