बैतडी, ९ जेठ । दार्चुलामा यार्सा सङ्कलन गर्न हिँडेका एक युवक आज मृत फेला परेका छन् ।
मृत्यु हुनेमा बैतडी घर भई हाल डडेल्धुराको परशुराम नगरपालिका बस्दै आएका २६ वर्षीय महेश बोहरा रहेका छन् ।
जिल्ला प्रहरी कार्यालय दार्चुलाका प्रहरी नायब उपरीक्षक सुशीलसिंह राठौरका अनुसार उनी सितोलाको चाइमटेला लेकबाट यार्सा नपाएपछि बिहीबार घर फर्किन हिँडेका र घर नफर्केपछि खोजी गर्दा आज बिहान सितोलाकै जन्नीगाउँ जङ्गलमा मृत फेला परेका हुन् ।
बोहराको मृत्युको कारण भने खुल्न नसकेको प्रहरीले बताएको छ । रासस
No comments:
Post a Comment