काठमाडौँ, १३ जेठ । ज्येष्ठ नागरिकलाई प्रदान गर्दै आएको मासिक भत्ताको अतिरिक्त उपचार खर्चबापत मासिक रु ५०० बाट ७० वर्ष उमेर नाघेका नौ लाख नागरिक लाभाविन्त भएका छन् ।
चालु आवदेखि जुनसुकै लक्षित समूहमा परेका भए पनि ७० वर्ष उमेर पूरा भएका ज्येष्ठ नागरिकलाई साविकमा पाई आएको मासिक भत्ताको अतिरिक्त उपचार खर्च उपलब्ध गराइएको हो ।
अर्थमन्त्री विष्णु पौडेलद्वारा आज व्यवस्थापिका–संसद्मा प्रस्तुत आर्थिक सर्वेक्षणका अनुसार सामाजिक सुरक्षा कार्यक्रम कार्यविधिले निर्दिष्ट गरेबमोजिम विधवा तथा ६० वर्ष माथिका एकल महिलाले भत्ता पाएका छन् ।
चालु आवको प्रथम आठ महिनामा लाख ६० हजार १२८ जना विधवा तथा एकल महिलाले रु ५०० का दरले मासिक उपचार खर्च पाएका छन् । त्यसैगरी २३ हजार ३४६ जना लोपोन्मुख आदिवासी जनजाति र ३० हजार ९१२ जना पूर्ण अशक्त अपाङ्गले प्रतिमहिना एक हजारका दरले सामाजिक सुरक्ष भत्ता पाएका हुन् । एकतीस हजार ४०८ जना आंशिक अपाङ्गलाई रु ३०० का दरले मासिक भत्ता वितरण गरिएको छ ।
“चालु आव २०७२÷०७३ को प्रथम आठ महिनामा कुल १९७ बालक र १३९ बालिका गरी जम्मा ३३६ बालबालिकालाई परिवारमा पुनर्मिलन गराइएको छ । साथै ७७ जना बालबालिकालाई त्यस अवधिमा बालगृहमा संरक्षण दिइएको छ ।
बेचबिखनमा परी उद्धार गरिएका महिलाको विभिन्न आठ जिल्लामा सञ्चालित पुनःस्थापना गृहबाट एक हजार ४७० जनालाई आवश्यक सेवा पु¥याएएको छ । मुक्त कमलरीको सशक्तीकरणअन्तर्गत ४२ समूहमा महिला संस्थाअन्तर्गत मुक्त कमलरी गठन गरिएको छ ।
घरेलु हिंसामा परेकालाई उद्धार, संरक्षण र पुनःस्थापना गराउन जुम्ला, पाँचथर, डोटी, कञ्चनपुर, बागलुङ, सुनसरीलगायत जम्मा १७ जिल्लाका सेवा केन्द्रका १०४ वटा सामुदायिक सेवा केन्द्र सञ्चालनमा रहेको समेत आर्थिक सर्वेक्षणले देखाएको छ । उक्त सेवा केन्द्रबाट आव २०७१÷०७२ मा एक हजार ९५९ जना घरेलु हिंसामा परेका व्यक्तिलाई आवश्यक सेवा प्रदान गरिएको छ ।
त्यसैगरी अन्तरदेशीय धर्मपुर, धर्मपुत्री व्यवस्थापन विकास समितिका अनुसार आवको आठ महिनामा दुई जना धर्मपुत्री प्रदान भएको छ । केन्द्रीय बालकल्याण समितिकाअनुसार आव २०७१÷०७२ मा काठमाडौँ उपत्यकामा विभिन्न २० स्थानमा १५ वर्ष मुनिका करिब १०६ जना सडक बालबालिका रहेको अनुमान गरिएको छ । रासस
No comments:
Post a Comment