बजेट राम्रो र सन्तुलित छ : चेम्बर

काठमाडौँ, १७ जेठ । नेपाल चेम्बर अफ कमर्सले आगामी आव २०७३÷७४ का लागि सरकारले प्रस्तुत गरेको बजेट राम्रो र सन्तुलित रहेको जनाएको छ ।

चेम्बरले आज जारी गरेको प्रेस विज्ञप्तिमा सरकारले पहिलो पटक औद्योगिक क्षेत्र, विकास आयोजना, राजमार्ग र सार्वजनिक निकायलाई बन्द, हडताल निषेधित क्षेत्र घोषणा गरेको भन्दै स्वागत गरेको हो । चेम्बरका महासचिव कमलेशकुमार अग्रवालले बन्द, हडताल गर्ने, आवागमन र आयोजनाका काममा बाधा उत्पन्न गर्ने र भौतिक सम्पत्तिमा क्षति पु¥याउने आयोजकबाट क्षतिपूर्ति भराइने व्यवस्था स्वागतयोग्य भएको बताउनुभयो ।

चालु बजेटमा राजस्व प्रशासनको सुधारका लागि केन्द्रीय राजस्व बोर्ड गठन गर्ने विषय सराहनीय भएको विज्ञप्तिमा उल्लेख छ । आयकरको सीमा वृद्धि गरी व्यक्तिका हकमा रु दुई लाख ५० हजारबाट वृद्धि गरी रु तीन लाख ५० हजार र दम्पतीका हकमा रु तीन लाखबाट बढाएर रु चार लाख पु¥याउनु परिवारको सङ्ख्याका आधारमा अपर्याप्त भएको चेम्बरले जनाएको छ ।
गत आवको आर्थिक वृद्धिदर ०.७७ रहेको परिप्रेक्ष्यमा आगामी आवको वृद्धिदर ६.५ प्रतिशत महत्वाकाङ्क्षी रहेकोे जनाइएको छ । रासस

No related posts.