बुटवल, १ असार । रुपन्देहीको देवदहमा आज भएको दुर्घटनामा एक व्यक्तिको मृत्यु भएको छ ।
पूर्व–पश्चिम राजमार्गको बुटवल–देवदह खण्डअन्तर्गत देवदह बजार नजिकै बस र मोटरसाइकल एकआपसमा ठोक्किँदा मोटरसाइकल चालकको मृत्यु भएको क्षेत्रीय ट्राफिक प्रहरी कार्यालय बुटवलले जनाएको छ ।
बुटवलबाट सुनावलतर्फ जाँदै गरेको लु१ख ७४३६ नंको बस र विपरीत दिशाबाट आउँदै गरेको लु१२प ९४३८ नंको मोटरसाइकल ठोक्किँदा मोटरसाइकल चालक देवदह निवासी जनकलाल मगरको घटनास्थलमै मृत्यु भएको हो । बस र चालकलाई प्रहरीले नियन्त्रणमा लिएको छ । रासस
No comments:
Post a Comment