बैतडी, २९ जेठ । बैतडीको दशरथचन्द नगरपालिकालाई आज एक कार्यक्रमकाबीच खुलादिसामुक्त घोषणा गरिएको छ ।
नगरपालिकामा रहेका तीन हजार ३३४ घरधुरी तथा ९९ सार्वजनिक संस्थामा शौचालय निर्माण भई प्रयोगमा आइसकेपछि नगरपालिकालाई खुलादिसामुक्त घोषणा गरिएको नगरपालिकाका कार्यकारी अधिकृत डम्बरदत्त पाण्डेयले बताउनुभयोे ।
यससँगै बैतडीका ५६ वटै गाविस र दुईवटै नगरपालिका खुलादिसामुक्त घोषणा भइसकेका छन् भने अब बैतडी जिल्लालाई नै खुलादिसामुक्त घोषणा औपचारिकरुपमा मात्र गर्न बाँकी छ ।
आगामी असार १० गते जिल्लालाई नै खुलादिसामुक्त घोषणा गर्ने तयारी भइरहेको खानेपानी तथा सरसफाई डिभिजन कार्यालय बैतडीका प्राविधिक दीपक केसीले बताउनुभयो । रासस
No comments:
Post a Comment