भक्तपुर, १६ असार । मध्यपुरथिमी नगरपालिका–१३ राधेराधे अगाडि आज बा५च ६४७३ नं को पिकअप गाडीको ठक्करबाट एक पैदलयात्रीको मृत्यु भएको छ ।
भक्तपुरबाट काठमाडौँ जाँदै गरेको गाडीको ठक्करबाट बाटो काट्दै गरेका दोलखाको काभ्रे गाविस–५ घर भएका वर्ष ५० का देवीबहादुर खड्काको मृत्यु भएको प्रहरीले जनाएको छ ।
ठक्करबाट घाइते भएका खड्काका मध्यपुर अस्पताल उपचारका क्रममा मृत्यु भएको महानगरीय प्रहरी परिसर भक्तपुरका प्रहरी नायब उपरीक्षक शेखर खनालले जानकारी दिनुभयो । ठक्कर दिने गाडी र चालक सिन्धुपाल्चोक कुभिण्डे–६ का ३३ वर्षीय रामहरि नेपालीलाई महानगरीय प्रहरी वृत्त ठिमीले नियन्त्रणमा लिएको छ । रासस
No comments:
Post a Comment