सरकार सञ्चालनमा सहमति भन्दा पनि देश बनाउने नीतिमा सहमति हुनुपर्नेमा विजुक्छेको जोड

काठमाडौ, ५ साउन । नेपाल मजदुर किसान पार्टीका अध्यक्ष नारायणमान बिजुक्छेले सरकार सञ्चालनमा आलोपालो गर्ने सहमति भन्दा पनि देश बनाउने नीतिमा सहमति हुनुपर्नेमा जोड दिएको छ ।
भक्तपुरमा आज आयोजित कार्यक्रममा बोल्दै उनले काँग्रेस र माओवादीबीच सरकारका विषयमा भएको सहमति उपयुक्त नभएको टिप्पणी गरे ।
उनले प्रधानमन्त्री हुनका लागि सरकार परिवर्तन गर्ने खेल देशका लागि घातक हुने बताए ।
अविश्वास प्रस्तावपछि नयाँ सरकार गठन गर्ने व्यवस्था संविधानमा नभएको बताउँदै अध्यक्ष बिजुक्छेले कानुनी ढङ्गले अगाडि बढ्दा नयाँ सरकार गठन हुन अझै केही समय लाग्ने बताए ।
सरकारमा सहभागी दलले नै कार्यसूचीमा चढिसकेको बजेट विधेयकलाई पारित नगरी अविश्वास प्रस्ताव पेस गर्नु दुर्भाग्य भएको बिजुक्छेको भनाई छ ।

No related posts.