आतङ्ककारी घटनाको भत्र्सना

काठमाडौँ, ३१ असार । नेपाली काँग्रेसले फ्रान्सको दक्षिणी सहर नाइसमा बिहीबार भएको आतङ्कवादी हमलाको निन्दा गरेको छ ।

पार्टी सभापति शेरबहादुर देउवाले आज विज्ञप्ति जारी गर्दै विश्वको जुनसुकै कुनामा हुने मानवताविरुद्धका यस्ता आतङ्ककारी घटनाको काँग्रेस सदैव भत्र्सना गर्छ भन्नुभएको छ । उक्त घटनामा ८४ जनाको मृत्यु र सयौँको सङ्ख्यामा निर्दोष नागरिक घाइते भएको घटनाले सम्पूर्ण विश्वलाई नै स्तब्ध बनाएको बताउँदै काँग्रेसले आतङ्कवाद सदाका लागि अन्त्य गरिनुपर्छ भन्ने आफ्नो धारणा रहेको स्पष्ट पारेको छ ।

साथै सभापति देउवाले यस दुःखद् क्षणमा फ्रान्स सरकारलाई आफू र आफ्नो पार्टीका तर्फबाट सहानुभूति प्रकट गर्दै धैर्यका साथ अगाडि बढ्न आग्रह गर्नुभएको छ । उहाँले घटनामा परी निधन भएका सबैप्रति श्रद्धाञ्जलि अर्पण गर्दै घाइतेको शीघ्र स्वास्थ्यलाभको कामना पनि गर्नुभएको छ । रासस

No related posts.