बैतडी, २८ साउन । भिरबाट लडेर बैतडीको डिलासैनीमा आज सांझ एक महिलाको मृत्यु भएको छ ।
मृत्यु हुनेमा डिलासैनी–१ की ५५ वर्षीया सुर्मादेवी बोहरा रहेको जिल्ला प्रहरी कार्यालय बैतडीका प्रहरी निरीक्षक सुरेन्द्र बमले जानकारी दिनुभयो ।
सुर्मादेवीको घर नजिकै पल्लादेही भिरबाट खसेर मृत्यु भएको हो । बिहान बाख्रा चराउन गएकी सुर्मादेवी दिउँसोसम्म घर नफर्केपछि घर परिवारले खोजतलास गर्दा सांझ ६ः३० बजे पल्लादेही भिरबाट खसेर चौलानी नदी किनारमा मृत अवस्थामा फेला परेको प्रहरीले बताएको छ ।
प्रहरीको टोली अहिले घटनास्थल तर्फ गएको र टोली घटनास्थल पुगेपछि थप विवरण आउने बताइएको छ । रासस
No comments:
Post a Comment