काठमाडौँ, १२ कात्तिक । ग्रामीण भेगमा हुने भूकम्पपछिको पुनःनिर्माणमा सिमेन्ट, इँटा र गह्रुङ्गा निर्माण सामग्री नभई हल्का सामग्रीको प्रयोग गरिनुपर्नेमा जोड दिइएको छ ।
इटालीको कार्लो कटानियो विश्वविद्यालयका प्राध्यापकको सहयोगमा भूकम्पबाट अति प्रभावित सिन्धुपाल्चोक र काभ्रेपलाञ्चोकको स्थलगत अध्ययनपछि तयार पारिएको पुस्तक ‘हिलिङ द हिमालयज’ सार्वजनिक कार्यक्रमका वक्ताले यस विषयमा जोड दिनुभएको हो ।
अध्ययनमा त्रिभुवन विश्वविद्यालयका पूर्वप्राध्यापक एवम् हाल इटालीमा कार्यरत दीपकराज पन्त र हाल प्राध्यापनरत डा युवराज लुइँटेल, कटानियो विश्वविद्यालयका आर्केटेक्ट डिजाइनर इलेना ब्रुसा पास्के ,इटाली एवम् बेल्जियमका विकास अर्थविद् स्टफेन जेडर्जेजजाक र इटाली एवम् अमेरिकी व्यापार अर्थविद् सारा फवालीले युरोप, अमेरिका एवम् नेपालमा गरिएको अनुसन्धानपछि ग्रामीण भेगमा हल्का निर्माण सामग्री प्रयोग गर्नुपर्नेमा जोड दिनुभयो ।
सो अवसरमा गाँजाको डाँठ र चुना मिसाएर बनाएको इँटा नेपालको ग्रामीण भेगमा पुनःनिर्माणका लागि उपयोगी हुनेमा वक्ताले जोड दिनुभएको थियो । यस्तो नेपालमा सहज रुपमा निर्माण गर्न सकिने र यस्तो घरले भूकम्प जाँदा जोखिम नहुने युरोपको अनुभवपछि प्रमाणित भएको सो जानकारी गराइयो । रासस
No comments:
Post a Comment