काठमाडौँ, २१ कात्तिक । नेपाली काँग्रेसका नेता महेश आचार्यले राजनीतिक दलका नेता संवेदनशील नहुँदा प्रजातन्त्र नै जोखिममा परेको भन्दै चिन्ता व्यक्त गर्नुभएको छ ।
प्रजातान्त्रिक विचार समाज काभ्रेको साधारणसभा तथा विचार गोष्ठीमा बोल्दै नेता आचार्यले भन्नुभयो, “राणा, शाह तथा कम्युनिष्ट अतिवादविरुद्ध जुधेर काँग्रेसले प्रजातन्त्रको पक्षमा काम गरेको हो तर अहिले पनि प्रजातन्त्र जोखिममा छ”– उहाँले भन्नुभयो ।
प्रजातन्त्र जनतासँग जोडिने र जनतालाई निर्भय बनाउने प्रणाली र जीवन पद्धति भएको र समाजवाद उत्पादन र वितरणसँग सम्बन्धित भएको उहाँको भनाइ थियो ।
त्यसैगरी, सांसद कञ्चनचन्द्र बादे श्रेष्ठले मुलुकको राजनीतिक अवस्था र उपलब्धिको विषयमा प्रजातान्त्रिक विचार समाजजस्ता संस्था जनस्तरमा पु¥याउनसके अर्को उपलब्धि हुनेथियो भन्नुभयो ।
राष्ट्रिय समाचार समिति (रासस) का अध्यक्ष तथा समाजका केन्द्रीय उपाध्यक्ष कुलचन्द्र वाग्लेले यतिबेला देशमा जुन प्रकारको निरासा देखिएको छ, त्यो विषयमा राजनीतिक दल र खासगरी प्रजातन्त्रप्रति आस्थावान् सबै सचेत हुनुपर्छ भन्नुभयो ।
समाजका महासचिव गोकर्ण अर्यालले प्रस्तुत गर्नुभएको कार्यपत्रमाथि नेपाल पत्रकार महासङ्घ काभ्रेका पूर्वअध्यक्ष महेश आचार्यले टिप्पणी गर्नुभएको थियो ।
सोही अवसरमा नेपाली काँग्रेस काभ्रेका सचिव दिनेश लामा, समाजका काभ्रे अध्यक्ष भोला केसी, सदस्य रघुनाथ घिमिरे, कृष्णप्यारी नकर्मी, नेपाली काँग्रेसका क्षेत्रीय सदस्य रमेशप्रसाद हुमागार्इं र समाजका परामर्शदाताद्वय मेदीनीकुमार श्रेष्ठ र शेखर दुलालले पनि मन्तव्य राख्नुभएको थियो । रासस
No related posts.
No comments:
Post a Comment