राससको जिल्ला कार्यालय विस्तार

कावासोती, ७ माघ । राष्ट्रिय समाचार समिति (रासस) को जिल्ला कार्यालयको आज उद्घाटन भएको छ ।
नवलपरासीको सदरमुकाम परासीमा एमालेका केन्द्रीय सदस्य एवम् नवलपरासी क्षेत्र नंं. ४ का सांसद वैजनाथ चौधरीले जिल्ला कार्यालयको उद्घाटन गर्नुभयो ।
राससले यसअघि भक्तपुरमा जिल्ला सम्पर्क कार्यालय स्थापना गरेको थियो । कार्यालय उद्घाटन कार्यक्रममा सांसद चौधरीले राससले तराई क्षेत्रमा कार्यालय खोलेर सराहनीय कार्य गरेको बताउनुभयो ।
राष्ट्रिय समाचार समितिका अध्यक्ष कुलचन्द्र वाग्लेले पत्रकारले तथ्य नजिक पुगेर समाचार लेख्नुपर्ने विचार व्यक्त गर्नु भयो । पत्रकारले आचारसंहिताअनुसार नै पत्रकारिता गर्नुपर्ने अध्यक्ष वाग्लेको भनाइ थियो । रासस

No related posts.