कडा कानुनको अभावमा महिला–बालबालिका बेचबिखनको सिकार

काठमाडौँ, १० चैत । व्यवस्थापिका–संसद्, विकास समितिका सभापति रवीन्द्र अधिकारीले राज्यको मूल प्रवाहमा आउन नसकेका नागरिकलाई सरकारले अवसर उपलब्ध गराएर संरक्षण गर्नुपर्ने बताउनुभएको छ ।

दिगो विकास लक्ष्यको राष्ट्रिय कार्यक्रममा महिला तथा बालबालिकाको बेचबिखन र यौन शोषणलाई सम्बोधन गर्न माग गर्दै महिला अधिकारकर्मीले पेस गरेको ध्यानाकर्षणपत्र बुझेपछि नेता अधिकारीले समाजमा सबै वर्ग तथा समुदायलाई सामाजिक न्याय र समानताको अवसर उपलब्ध भएपछि राष्ट्रको विकास सम्भव हुने विश्वास व्यक्त गर्नुभयो ।

उहाँले महिला तथा बालबालिकाको बेचबिखन मानवताविरुद्धको गम्भीर अपराध भएको बताउँदै यस्ता कार्यमा संलग्नलाई दण्डित गर्नका लागि कानुन निर्माणका क्रममा कडा सजायको व्यवस्था गर्न सक्दो सहयोग गरिने प्रतिबद्धता व्यक्त गर्नुभयो । ‘विश्वास नेपाल’ नामक सामाजिक संस्थाका अध्यक्ष तारा भण्डारीले कडा कानुनको अभावमा अहिले महिला तथा बालबालिका बेचबिखनको सिकार बन्नु परेकामा चिन्ता व्यक्त गर्नुभयो । रासस

No related posts.