रत्ननगर (चितवन), १७ असार । पश्चिम चितवनको शुक्रनगरमा गोली हानी लुटपाट गरेर फरार भएका एक अभयिुक्तलाई प्रहरीले पक्राउ गरेको छ ।
प्रहरीको विशेष अनुसन्धान टोलीले भारतीय प्रहरीको सहयोगमा घटनाका मुख्य योजनाकार भनिएका उनलाई भारतको दिल्लीबाट पक्राउ गरिएको चितवनका प्रहरी उपरीक्षक दीपक थापाले जानकारी दिनुभयो ।
यसरी पक्राउ पर्नेमा पर्वत पकुवा घर भई हाल चितवनको भरतपुर २७ स्थित ससुरालीमा बस्दै आएका २७ वर्षीय कृष्ण शाही ठकुरी रहेका छन् ।
उनलाई यही असार १५ गते भारतमा पक्राउ गरी चितवन ल्याएर आज पत्रकार सम्मेलनमार्फत प्रहरीले सार्वजनिक गरेको हो ।
उनीसँगै चोरीमा संलग्न रहेका अन्य दुईजनालाई चोरिएका सामानसहित यसअघि नै प्रहरीले पक्राउ गरिसकेको छ । उनीहरुले लुटेका गहनाहरु गालेर अर्कै गहना बनाएको अवस्थामा बरामद गरिएको थियो ।
यसअघि पक्राउ गर्नेमा नवलपरासी मध्यबिन्दु नगरपालिका–१० अरुणखोलाका लक्ष्मण परियार र सोही ठाउँका नारायण विक छन् । उनीहरुबाट ८३ हजार नगद, पेस्तोल, गरगहना, घन, खुकुरी, रड र चक्कु बरामद गरिएको छ ।
भरतपुर महानगर वडा नं २५ स्थित शुक्रनगरमा जेठ ४ गते पेस्तोलको प्रयोग गरी घन र रडले हानेर लुटपाट गरी उनीहरु फरार भएका थिए ।
लुटेराको गोली लागेर घाइते भएका स्थानीय २५ वर्षका गङ्गासागर महतोको उपचारका क्रममा मृत्यु भइसकेको छ । रासस
No related posts.
No comments:
Post a Comment