दुर्घटनामा मृत्यु

बुटवल, १३ कात्तिक । सिद्धार्थ राजमार्गअन्तर्गत बुटवल–भैरहवा सडकखण्डको मणिग्राममा आज भएको बस दुर्घटना १५ वर्षीय विवेक थापाको ज्यान गएको छ ।

दुर्घटनामा अन्य पाँच जना घाइते भएका छन् । बुटवलबाट भैरहवातर्फ जाँदै गरेको लु१ख ७२७२ नंको बस मणिग्राम कफी कम्पनी नजिकै दुर्घटना हुँदा बुटवल उपमहानगरपालिका–१३ बस्ने थापाको लुम्बिनी अञ्चल अस्पताल बुटवलमा उपचारका क्रममा मृत्यु भएको क्षेत्रीय ट्राफिक प्रहरी कार्यालय बुटवलले जनाएको छ ।

घाइतेको लुम्बिनी अञ्चल अस्पताल बुटवल र मणिग्रामस्थित क्रिमसन अस्पतालमा उपचार भइरहेको छ । प्रहरीका अनुसार तीव्र गतिको बसले ट्रकलाई उछिन्ने क्रममा सडक नजिकको रुखमा ठोक्किएर दुर्घटना भएको हो । रासस