मुगु १४ कात्तिक । कुनै बेला घरमा आउने पाउना, ईष्ट मित्रलाई नासो दिइने र बिक्री नभएर बारीमै कुहिने स्याउ अहिले मुगाली कुषकका लागि जीवन जिउने प्रमुख आय स्रोत बन्दै गएको छ ।
विगत वर्षमा भरपर्दो यातायातका साधन नहुँदा उत्पादित स्याउ बजार अभावका कारण जिल्ला सदरमुकाम गमगढीमा प्रतिस्प्रधाका बिच व्यापार गर्नुपथ्र्यो यात घरेलु मदिरा कि त वस्तुभाउलाई खुवाउनु पथ्र्याे तर यस पटक कृषकलाई त्यसो गर्नु परेन । सडक डिभिजन कार्यालय जुम्लाले कर्णाली राजमार्ग अन्तरगत नाग्म गमगढी सडक खण्ड स्तरउन्नति गरेपछि मालवाहक गाडीहरु यो वर्ष निरन्तर चल्दा र स्याउ किन्न व्यापारी कृषकका घर मै आउन थालेपछि हेला गरेको फल स्याउ अहिले मुगाली कुषकको लागि प्रमुख आय स्रोत बन्दै गएको हो ।
काकीवाडा–६ ढुम गाउँका स्याउ कृषक रामभक्त रोकाया विगत वर्षमा स्याउले बजार नपाउँदा केही कुहिएर केही वस्तुभाउलाई खुवाएर त केही आफन्त तथा घरमा आउने पाउनालाई नासो दिएर सकिन्थ्यो । मुस्किलले स्याउबाट रु ५० देखि ६० हजारसम्म मात्र कमाई हुन्थ्यो तर यो पटक सडक राम्रोसँग चलेकाले आफुले मात्र १० टन स्याउ नेपालगन्जस्थित कोहलपुर हाडबजार समितिमा बेचेको बताउ छन् ।
मुगुमा मुस्किलले प्रतिकेजी रु २५ सम्ममा बिक्री हुने स्याउ सुर्खेत तथा नेपालगन्जमा रु ६० देखि ८० प्रति केजीमा बिक्रि भएको पनि रोकाया बताउछन् ।
अर्का स्याउ व्यापारी तथा तरकारी कृषक कार्कीवाडा भामवाडा गाउँका छत्र रावल यो चोटी स्याउका साथै तराईमा तरकारीसमेत मुगुबाट लगेर बिक्री गरेको बताउ छन् । उनी पनि १० टन स्याउ र तरकारीमा काउली, लसुन र आलुसमेत बिक्री गरेको बताउछन् ।
उनले यी वस्तु बिक्रीबाट छ लाख कमाएका छन् । दसैँ तिहार आउदा खर्च गर्ने पैसा नहुदा ऋण खोजेर सधै मनाउनु पथ्र्याे तर यो चोटी स्याउको व्यापार राम्रो भयो गाडीमा लगेर नेपालगन्जमा बिक्री गर्दा चित्त बुझदो आम्दानी भयो यो चोटीका चाडवाड आफ्नै आम्दानीले मनाउन पाइने भयो कुषक रावल भन्छन् ।
यस्तै स्याउको पकेट क्षेत्र मानिने रारा विमान स्थल आसपासका कुषकहरुले जिल्लाका अन्य भागका कृषक भन्दा शत प्रतिशत स्याउको व्यापार गरेका छन् एयरर्पोटसँगै सडक पनि घरको आगन भएर गएकाले त्यहाँका कृषकलाई व्यापार गर्न सहज भएको छ । यो क्षेत्रका बसोबास गर्ने प्राय कृषकहरुले एक टनदेखि १० टनसम्म स्याउ बिक्री गरेका छन् । रासस
––––
No comments:
Post a Comment