परासी, २३ मङ्सिर । नवलपरासीको गैँडाकोट क्षेत्रको सडक निर्माणमा सहयोग गर्ने सांसद डा शशाङ्क कोइरालासहित पाँचजना सम्मानित भएका छन् ।
आज गैंडाकोटमा एक कार्यक्रमको आयोजना गरी गैंडाकोटवासीले चारवटा भित्री सडक निर्माणमा सहयोग गर्ने पाँचजनालाई सम्मान गरेका हुन् ।
नेपाली काँग्रेसका नेता एवम् सोही निर्वाचन क्षेत्रका सांसद डा शशाङ्क कोइराला, गैँडाकोट नगरपालिकाका कार्यकारी अधिकृत बद्रीप्रसाद तिवारी, साबिक गैँडाकोट गाविसका निवर्तमान अध्यक्ष ओमप्रसाद सापकोटा, समाजसेवी करुणासागर सुवेदी र समाजसेवी द्रोणवन सन्यासीलाई सम्मान गरिएको हो ।
ती सडक स्थानीय विकास मन्त्रालय, जिल्ला विकास समिति, गैँडाकोट नगरपालिका र स्थानीयवासीको आर्थिक सहयोगमा रु एक करोड २० लाखको लागतमा निर्माण भएको हो ।
सम्मान ग्रहण गर्दै नेता कोइरालाले विकास निर्माणमा गैँडाकोटवासीले देखाएको सक्रियता प्रशंसनीय रहेको बताउनुभयो । रासस
No comments:
Post a Comment