रौतहट, १६ माघ । वन तथा भू–संरक्षणमन्त्री अग्निप्रसाद सापकोटाले नयाँ संविधान जारी भएपछि मुलुकले अब हरेक क्षेत्रमा फड्को मार्ने बताउनुभएको छ ।
एनेकपा (माओवादी) चन्द्रपुर नगरकमिटीद्वारा आज आयोजित कार्यकर्ता भेलामा उहाँले अब मुलुकमा विकास निर्माणका कामलाई प्राथमिकता दिनुपर्ने बताउनुभयो ।
लगातारको बन्द, हड्तालकाकारण मुलुकमा विकास निर्माणका कार्य प्रभावित भएको बताउँदै उहाँले संविधान संशोधनपछि असन्तुष्ट पक्षको माग सम्बोधन भएको बताउनुभयो ।
उहाँले वनजङ्गल राष्ट्रको सम्पत्ति भएकाले संरक्षण गर्नु सबैको दायित्व भएको पनि बताउनुभयो । उहाँले आजै चन्द्रपुर नगरपालिका–७ स्थित चाँदीनदी आसपासका क्षेत्रमा जिल्ला भू–संरक्षण कार्यालय, रौतहटद्वारा गरिएको तटबन्ध तथा वृक्षारोपणको स्थलगत निरीक्षण गर्नुभयो । रासस
No comments:
Post a Comment