कलाकार श्रेष्ठको स्वास्थ्य अवस्था गम्भीर

काठमाडौँ, १७ फागुन । वरिष्ठ कलाकार कालीदास श्रेष्ठको स्वास्थ्य अवस्था गम्भीर बन्दै गएको छ ।

उच्च रक्तचाप र पिसाबसम्बन्धी समस्याबाट ग्रसित श्रेष्ठलाई यही फागुन ११ गतेदेखि त्रिपुरेश्वरको ब्लु क्रस अस्पतालको सघन उपचार कक्षमा राखेर उपचार गरिँदै आएको छ । नेपाल ललितकला प्रज्ञा–प्रतिष्ठानका उपकुलपति शारदा चित्रकार सहितका कलाकार आज अस्पतालमा गई उहाँको अवस्था बारेमा जानकारी लिएका छन् ।

उपकुलपति चित्रकारका अनुसार ९३ वर्षीय श्रेष्ठलाई पाइपबाट खाना खुवाइएको छ र उहाँ अहिले बोल्न सक्नुहुन्न । रासस