मिनी ट्रकको ठक्करबाट मृत्यु

भक्तपुर, १७ फागुन । भक्तपुरबाट काठमाडाँैतर्फ तीव्र गतिमा जाँदै गरेको मिनीट्रकको ठक्करले आज अपराह्न स्कुटर चालक बबिता लिम्बूको मृत्यु भएको छ ।

भक्तपुरको छ लेन सडकस्थित मध्यपुरथिमि–१५ कौशलटारमा बा२ख ८९४२ नंको मिनी ट्रकले बा४९प ८६८५ नंको स्कुटरलाई ठक्कर दिँदा लिम्बा–२ पाँचथर घर भई जोरपाटी बस्ने ४९ वर्षीया लिम्बूको घटनास्थलमै मृत्यु भएको हो ।
ठक्कर दिने मिनीट्रकका चालक विष्णुबहादुर श्रेष्ठ र ट्रकलाई नियन्त्रणमा लिइएको महानगरीय प्रहरी वृत्त थिमिका प्रहरी नायब उपरीक्षक प्रवीणलाल श्रेष्ठले जानकारी दिनुभयो । रासस