विमान दुर्घटनाको छानबिन सुरु

बाबियाचौर(म्याग्दी), १७ फागुन । तारा एयरको विमान दुर्घटनाको विषयमा अनुसन्धान गर्न गठित आयोगले छानबिन सुरु गरेको छ ।

आयोगका संयोजक एवम् पर्यटन मन्त्रालयका सहसचिव सुरेश आचार्य नेतृत्वको पाँच सदस्यीय टोलीले विमान दुर्घटना भएको ठाउँको आज स्थलगत निरीक्षण गरेको ईलाका प्रहरी कार्यालय दानाका प्रहरी सहायक निरीक्षक सोमन छन्त्यालले जानकारी दिनुभयो । टोलीले घटनास्थलको भौगोलिक वस्तुस्थिति, दुर्घटनाग्रस्त विमानको निरीक्षण र नापजाँच गरेको उहाँले बताउनुभयो ।

निरीक्षणका क्रममा संयोजक आचार्यको साथमा यति एयर र नेपाल एयरलाइन्सका दुई विमान चालक, एक इञ्जिनियर र एक जना विदेशी विज्ञ पनि सहभागी हुनुहुन्थ्यो । रासस