काठमाडौँ, १८ फागनु । नेपाली काँग्रेसका नेता एवम् पूर्वमन्त्री नरहरि आचार्यको स्वास्थ्यमा क्रमिक सुधार आएको छ ।
उच्च रक्तचापबाट मतिष्कघात भएर बाँसबारीस्थित न्युरो अस्पतालमा उपचार गराइरहनुभएका नेता आचार्यकोे स्वास्थ्यमा क्रमिकरुपमा सुधार आई सामान्य कुराकानी गर्न र खाना खान सक्ने हुनुभएको उहाँका सहयोगी रामचन्द्र घिमिरेले जानकारी दिनुभयो ।
दाहिने खुट्टा र हातमा समस्या देखिएकाले उहाँले नियमित फिजियोथेरापी पनि गरिरहनुभएको छ ।
दुई दिनको मात्र औषधिको मात्रा सेवन गर्न बाँकी रहेको छ । अब उहाँलाई फिजियोथेरापीको मात्र आवश्यकता छ । अझ केही दिन अस्पतालमै बस्नुपर्ने बताइएको छ ।
नेता आचार्यले महाधिवेशनमा भाग लिन नसके पनि देशभरबाट उहाँको पदीय उम्मेदवारीको कुरा आइरहेको बताउँदै घिमिरेले यस विषयमा अझै टुङ्गो लागि नसकेको जानकारी दिनुभयो । रासस
No comments:
Post a Comment