फलेवास (पर्वत), २९ फागुन । पर्वत जिल्लाको कार्कीनेटा गाविस– ९ निवासी १७ वर्षीय किशोरी मीना विकको भिरबाट लडेर मृत्यु भएको छ ।
शुक्रबार साँझ घाँस काट्न गएकी विकको घर नजिकैको भिरबाट लडेर ज्यान गएको जिल्ला प्रहरी कार्यालयले जनाएको छ । उनको घटनास्थलमै मृत्यु भएको हो ।
उनको शव परीक्षणका लागि जिल्ला अस्पतालमा राखिएको जिल्ला प्रहरी कार्यालयले जनाएको छ ।
भिरबाट लडेको जानकारी पाउने बित्तिकै प्रहरीचौकी कार्कीनेटाबाट खटिएको प्रहरी टोलीले घटनास्थलको जाँचबुझ गरेको थियो । उनी भिरमा घाँसमा चिप्लिएर लडेको हुनसक्ने प्रहरीको अनुमान रहेको छ । रासस
No comments:
Post a Comment