विदा नभएका दिन पनि रक्तदान कार्यक्रम गर्न रेडक्रसको आह्वान

काठमाडौँ, १९ फगुन । नेपाल रेडक्रस सोसाइटी गणबहाल उपशाखा र टाइम्स कलेज डिल्लीबजारको संयुक्त आयोजनामा कलेज परिसरमा आज सञ्चालित रक्तदान कार्यक्रममा ११७ व्यक्तिले रक्तदान गरे ।
केही दिन यतादेखि काठमाडौँ उपत्यकामा रगतको चर्को अभाव हुन थालेको बताइएको छ । सार्वजनिक विदाका दिन रक्तदान कार्यक्रम गर्ने आयोजकहरु धेरै हुने तर अरु दिन खासै नहुने प्रवृत्ति रहेको देखिएको सन्दर्भमा विदा नभएकै दिन रक्तदान कार्यक्रम गरेर आयोजक र रक्तदातालाई सन्देश दिन आज रक्तदान कार्यक्रम गरिएको उपशाखाका सभापति अमृत नारायण मानन्धरले जानकारी दिनुभयो । रासस