बाह्य शक्ति केन्द्रको उक्साहटमा आन्दोलन – नेता पन्त

पोखरा, १८ वैशाख । नेकपा (एमाले)का नेता तथा पूर्वमन्त्री रघुजी पन्तले बाह्य शक्ति केन्द्रको उक्साहटमा मधेसी दलले आन्दोलन गरेर फेरि नेपाली जनतालाई दुःख दिन खोजेको बताउनुभएको छ ।

नेकपा (एमाले) पोखरा २४ कृस्तिनाच्ने चौरमा आज आयोजित सभालाई सम्बोधन गर्दै उहाँले गलत कुराको पछाडि लागेर राष्ट्र र जनतालाई अप्ठ्यारोमा नपार्न सबैसँग आग्रह गर्नुभयो ।

देशलाई राजनीतिक स्थायित्व दिन र संविधान कार्यान्वयनलाई प्रभावकारी रुपमा अघि बढाउन नेपाली काँग्रेस पनि अहिलेकै सरकारमा आउनुपर्नेमा जोड दिँदै उहाँले अर्को आमनिर्वाचनपछि बन्ने सरकारमा एमालेले काँग्रेस नेतृत्वको सरकारमा गएर सहयोग गर्नसक्ने धारणा राख्नुभयो ।

दीपकप्रसाद सुवेदीको अध्यक्षतामा भएको सो समारोहमा एमाले कास्कीका अध्यक्ष कृष्ण थापा र श्रीनाथ बरालले पनि बोल्नुभएको थियो । रासस