गोर्खाज फाइनान्सको एकीकृत कारेवार सुरु

काठमाडौँ, २९ चैत । गोर्खा डेभलपमेन्ट बैंक (नेपाल) लि र काठमाडौँ फाइनान्स लि एकआपसमा गाभिएपछि गोर्खाज फाइनान्स लिमिटेडको नामबाट आजबाट पूर्णरुपमा एकीकृत कारोवार सुरु भएको छ ।
दुई वित्तीय संस्था एकआपसमा गाभिएपछि संस्थाको चुक्ता पुँजी रु ५७.८६ करोड, निक्षेप लगभग रु २०२ करोड र कर्जा लगभग रु २१८ करोड पुगेको प्रमुख कार्यकारी राजकुमार राईले बताउनुभयो । उहाँले आजबाट सबै आठ शाखाका कारोबार सुरु भएको र नयाँ वर्षमा भक्तपुरमा नयाँ शाखा खोल्ने बताउनुभयो ।
आइतबार ती दुई संस्था औपचारिकरूपमा गाभिएको घोषणा भएको थियो । रासस