काठमाडौँ, १८ वैशाख । नेकपा (एमाले) निकट अखिल नेपाल राष्ट्रिय स्वतन्त्र विद्यार्थी युनियनको पहिलो केन्द्रीय समितिको बैठक आगामी जेठ २ देखि ४ गतेसम्म काभ्रेको धुलिखेलमा बस्ने भएको छ ।
सङ्गठनको २२औँ सम्मेलनबाट निर्वाचित वर्तमान कार्यसमितिको बैठकले अब बन्ने पहिलो पूर्ण सङ्गठनको प्रादेशिक संरचनाको टुङ्गो लगाउनेछ ।
त्यसैगरी उक्त बैठकले केन्द्रीय सचिवालय, केन्द्रीय पदाधिकारीलगायतको कार्य तथा जिम्मेवारी तोक्ने सङ्गठनका उपाध्यक्ष महेश बर्तौलाले जानकारी दिनुभयो ।
उक्त बैठकले नयाँ नेपाल निर्माणका लागि अबको शैक्षिक मुद्दा के हुने भन्नेबारेमा समेत छलफल गर्ने बताइएको छ ।
यसअघि सो सङ्गठनको केन्द्रीय सचिवालयको एउटा बैठक तथा स्थायी समितिको छ वटा बैठक सम्पन्न भएको उहाँले जानकारी दिनुभयो । रासस
No comments:
Post a Comment