विराटनगर, २४ चैत । सुनका गहना लुट्ने एक समूहका पाँच जनालाई विराटनगर बसपार्कबाट प्रहरीले पक्राउ गरेको छ ।
पक्राउ पर्नेमा वीरगन्ज–९ का उमाकान्त राम, बारा जितपुर–७ का शत्रुघन नटुवा, विनोदकुमार कुशवाहा तथा जितपुर–८ का सुरेश नटुवा र राकेशकुमार यादु रहेको जिल्ला प्रहरी कार्यालयले जनाएको छ ।
उनीहरुले विराटनगर–१६ स्थित मङ्गलबारे हटियामा मङ्गलबार बेलुकीे तरकारी खरिद गरिरहेकी ५२ वर्षीया निरु बिसुन्केका घाँटीबाट सिक्री छिनाली लुटेर लगेका थिए । सादा पोसाकमा खटिएका प्रहरीले शङ्कास्पद अवस्थामा सुरेशलाई पक्राउ गर्दा उनको साथबाट सुनको सिक्री फेला परेको थियो । रासस
No comments:
Post a Comment