बैतडी, १७ असार । कृषिमन्त्री हरिबोल गजुरेलले संविधान कार्यान्वयनका लागि राष्ट्रिय सरकारको विकल्प नभएको बताउनुभयो ।
सुदूरपश्चिम भ्रमणमा रहेकाबेला बैतडी पुग्नुभएका मन्त्री गजुरेलले नेपालमा अहिले राष्ट्रिय सहमतिको सरकार आवश्यक रहेको बताउँदै जसको नेतृत्वमा भए पनि राष्ट्रिय सरकार गठन हुनुपर्नेमा जोड दिनुभयो ।
बैतडी जिल्लाका प्रमुखलाई निर्देशन दिनुहँुदै उहाँले देशमा बेरोजगारी बढेर युवाशक्ति बिदेसिएका बेला निजामती सेवामा दरबन्दी खाली रहनु लज्जास्पद भएको बताउँदै नेपालमा संविधान जारी भइसकेपश्चात् अझै जनतामा असन्तुष्टि रहनु दुःखको कुरा हो भन्नुभयो ।
देशको युवापुस्ता विदेशिएकाले नेपालको कृषिक्षेत्रमा घाटा पुगेको भन्दै उहाँले नेपाली युवा विदेशिएकाले खेतबारी बाँझै रहेकाले खाद्य उत्पादन घटेको बताउनुभयो । कृषिसम्बन्धी विभिन्न प्रविधि भए पनि अझै त्यसका बारेमा किसानलाई थाहा छैन उहाँले भन्नुभयो, “नेपालमा खेतीयोग्य जमिन बाँझो राखेर भारतबाट चामल किनेर खाने प्रवृत्ति हाबी भएको छ ।” बैतडीलगायत पहाडी जिल्लामा अझै पनि परम्परागत तरिकाले खेती लगाउने प्रवृत्ति भएकाले कृषि क्षेत्रमा सोचेजति उपलब्धि हुन नसकेको बताउँदै उहाँले यसको सुधारका नयाँ प्रविधि अपनाउनुपर्नेमा जोड दिनुभयोे । रासस
No related posts.
No comments:
Post a Comment