हृदयचन्द्र सिंहबारे प्रलेसमा विमर्श

काठमाडौँ, ७ माघ । प्रगतिशील लेखक सङ्घको परिसंवाद कार्यक्रमको दोस्रो शृङ्खलामा आज वरिष्ठ साहित्यकार हृदयचन्द्रसिंह प्रधानको कृतित्व र व्यक्तित्वबारे विचार–विमर्श गरियो ।
कवि तथा समीक्षक श्यामलले प्रधानका कृति प्रगतिशील साहित्यको जग बसाउन अग्रणी मानिएको भन्दै छ दसकअघि नै हाल चर्चामा रहेका सामाजिक अन्तरघुलन, सांस्कृतिक रुपान्तरण र श्रमको सम्मानजस्ता विषय उहाँका पात्रमार्फत व्यक्त भएको बताउनुभयो ।
सङ्घका अध्यक्ष मातृका पोखरेलले हृदयचन्द्रसिंहबारे आजको पुस्ताले थप अध्ययन गर्नुपर्र्ने बताउनुभयो । महासचिव आरआर डङ्गोलले प्रधानका रचनामा अन्तरजातीय चेतनासमेत उत्तिकै प्रगाढ पाइने बताउनुभयो ।
परिसंवाद शृङ्खलाका संयोजक तथा संस्थाका उपाध्यक्ष डा पुष्करराज भट्टले हरेक महिनाको पहिलो शुक्रबार परिसंवाद आयोजना गरिने जानकारी दिनुभयो । रासस

No related posts.